لائیو سپورٹس شو کے دوران نیرچ چوپڑا کی ارشد ندیم کے ہاتھوں شکست پر بھارتی غصے سے آگ بگولہ ہوگئے۔ سپورٹس یاری کے نام چلنے والے شو کے ذریعے سوشل میڈیا پلیٹ فارمز پر لائیو کمنٹس کرنے والے سوشانت مہتا پیرس اولمپکس کے جیولین تھرو مقابلے کے دوران ارشد ندیم کو نیچا دکھانے کیلئے اپنی پوری کوشش کرتا رہا تاہم اس کا گھمنڈ جب ٹوٹا جب پاکستانی اولمپیئن نے 92.97 کی تھرو پھینکی۔
بھارتی سپورٹس اینکر سوشل میڈیا پر ہکا بکا رہ گیا اور ڈیمانڈ کرنے لگا کہ ارشد ندیم کا ڈوپ ٹیسٹ کروایا جائے کیونکہ ان کے مقابلے پر بھارتی اولمپئین نیرج چوپڑا محض 89 میٹرز کی تھرو کرسکے تھے اور سلور میڈل اپنے نام کیا۔
پیرس اولمپکس کے جیولین تھرو مقابلے میں گولڈ میڈل حاصل کرنیوالے ارشد ندیم نے اپنی کارکردگی ناصرف دنیا بھر میں پاکستان کا نام روشن کیا بلکہ بھارتی یوٹیوبرز اور سوشانت مہتا جیسے ناقدین کا منہ بھی بند کروا دیا۔
سوشل میڈیا پر ایک ویڈیو وائرل ہورہی ہے جس میں فینز بھارتی اینکر کو ارشد ندیم کی کامیاب پر مایوس ہوتے دیکھ سکتے ہیں۔ دوسری جانب بھارتی کرکٹرز سمیت فنکار بھی پاکستانی اتھلیٹ کی کامیابی انہیں مبارکباد دے رہے ہیں جبکہ پاکستان میں ارشد ندیم کے استقبال کی تیاریاں بھی تیز کردی گئی ہیں۔ واضح رہے کہ اولمپکس گیمز میں پاکستان نے اپنا آخری مرتبہ 8 اگست 1992ء میں کانسی کے تمغے کے ساتھ ہاکی ایونٹ میں حاصل کیا تھا جبکہ آخری گولڈ میڈل بھی ہاکی کی ہی بدولت 1984ء میں حاصل ہوا تھا