پاکستان تحریک انصاف (پی ٹی آئی) کے سینئر رہنما اسد قیصر نے دعوی کیا کہ مجھے امید ہے عمران خان خان اسی سال جیل سے رہا ہو جائیں گے۔
پاکستان تحریک انصاف (پی ٹی آئی ) کے مرکزی رہنما اور سابق اسپیکر قومی اسمبلی اسد قیصر نے نجی ٹی وی سے گفتگو کرتے ہوئے کہا کہ عمران خان نے موجود ہ حکومت کے چند دنوں کی مہمان کا بلکل ٹھیک بیان دیا ہے، ان کے پاس زیادہ معلومات ہیں، کیونکہ حکومتیں اخلاقی اور قانونی جواز پر چلتی ہیں اور موجودہ حکومت کے پاس یہ بلکل نہیں ہیں۔
اسد قیصر نے کاہ کہ سنا ہے بڑے میاں (نواز شریف ) ناراض ہیں کیونکہ جس طرح انہیں لایا گیا تھا کہ وہ وزیراعظم بنیں گے لیکن چھوٹے میاں صاحب (شہباز شریف ) نے ان کیساتھ دھوکہ کیا، یہ سب ہونے کے بعد ان کی ناراضگی بنتی ہے۔
انہوں نے فواد چودھری سے متعلق کہا کہ وہ اچھے اور ذہین انسان ہیں، ان کی پارٹی میں واپسی سے متعلق فیصلہ بانی پی ٹی آئی خود کریں گے، ہمارے ملک کے نوجوانوں میں بہت صلاحیتیں ہیں، اس وقت جو ملکی صورتحال ہے وہ اسے دیکھ کر مایوس ہیں، میرا ان کیلئے پیغام ہے کہ آپ نے مایوس نہیں ہونا، اپنی جدوجہد جاری رکھیں، آپ اس ملک کا اثاثہ ہیں۔