آبپارہ پولیس نے غیر ملکی خاتون کی نشاندہی پر ملزم تمیز الدین کو گرفتار کر لیا ہے۔
پولیس ذرائع کے مطابق، دوران تفتیش غیر ملکی خاتون سلوائ اسٹینا نے بتایا کہ اس کے ہاتھ باندھنے والا شخص تمیز الدین ہے۔
ملزم تمیز الدین اسلام آباد کا رہائشی ہے۔ خاتون کی نشاندہی پر پولیس نے تمیز الدین کو اس کے گھر سے حراست میں لے لیا۔
پولیس ذرائع کے مطابق، تمیز الدین نے دعویٰ کیا ہے کہ غیر ملکی خاتون ذہنی مریضہ ہے اور اس کے پاس اپنے شناختی کاغذات اور سفری دستاویزات موجود نہیں ہیں۔
پولیس ذرائع کا کہنا ہے کہ خاتون کے کاغذات کی تلاش کے لیے ایک بار پھر تمیز الدین کے گھر کی تلاشی لی جائے گی۔
مزید برآں، پولیس نے تمیز الدین کو میڈیکل چیک اپ کے لیے پولی کلینک بھجوا دیا ہے۔ پولیس اس معاملے کی مزید تحقیقات کر رہی ہے۔