لاہور کی اسسٹنٹ سپرنٹنڈنٹ آف پولیس (اے ایس پی) شہر بانو کو پاکستان ویمن ٹیم میں اہم عہدہ ملنے کا امکان ہے۔ میڈیا رپورٹس کے مطابق پاکستان کرکٹ بورڈ (پی سی بی) نے ویمن ٹیم کی سربراہ کی تلاش شروع کری ہے جس کیلئے سابق ڈپٹی کمشنر لاہور رافعہ حیدر مضبوط امیدوار تصور کی جارہی ہیں۔
26 سالہ اے ایس پی شہر بانو چیئرمین پی سی بی محسن نقوی کے عبوری وزیراعلیٰ پنجاب کے دور میں عہدے پر کافی متحرک تھیں۔
رپورٹس میں دعویٰ کیا جارہا ہے کہ معروف اے ایس پی شہربانو نقوی جنہوں نے رواں سال فروری میں اس وقت شہرت حاصل کی جب انہوں نے لاہور کے اچھرہ بازار میں ہجوم کے حملے سے ایک خاتون کو بچایا تھا، جس عربی خطاطی والا لباس پہنا ہوا تھا۔
پی سی بی میں خواتین کرکٹ کی سربراہ کا عہدہ اس وقت خالی ہوا جب تانیہ ملک نے کیریئر کے نئے مواقع تلاش کرنے کی غرض سے بدھ کو استعفیٰ دیا تھا، انہوں نے اکتوبر 2021ء میں پی سی بی میں اپنے دور کا آغاز کیا تھا۔