بھارتی کرکٹ ٹیم کے اوپنر بلے باز شیکھر دھون نے انٹرنیشنل اور ڈومیسٹک کرکٹ سے ریٹائرمنٹ کا اعلان کر دیا۔
سوشل میڈیا پر شیکھر دھون نے ویڈیو پیغام جاری کیا جس میں انہوں نے ریٹائرمنٹ کا اعلان کرتے ہوئے کہا کہ کرکٹ کے سفر کو الوداع کہنے پر دل میں ایک سکون ہے کہ اپنے ملک کی میں نے نمائندگی کی۔
شیکھر دھون نے بی سی سی آئی کا شکریہ ادا کرتے ہوئے کہا کہ میں بھارتی کرکٹ بورڈ کا بہت مشکور ہوں جنہوں نے موقع دیا، میں خود سے یہ کہتا ہوں کہ اس بات سے دکھی مت ہو کہ میں انڈیا کیلئے دوبارہ نہیں کھیلوں گا۔
انہوں نے کہا کہ میں آج ایک ایسے موڑ پر کھڑا ہوں جہاں پیچھے دیکھنے پر صرف یادیں اور آگے دیکھنے پر پوری دنیا موجود ہے، میری ہمیشہ سے ایک ہی منزل تھی کہ انڈیا کے لیے کھیلنا اور وہ ہوا بھی۔