پاکستان تحریک انصاف (پی ٹی آئی) کے سینئر رہنما حماد اظہر نے خاتون صحافی سے دوسری شادی سے متعلق خبروں پر خاموشی توڑ دے دی۔
تفصیلات کے مطابق صحافی نجم الحسن باجوہ نے سماجی رابطے کی ویب سائٹ ایکس پر ایک بریکنگ نیوز شیئر کرتے ہوئے لکھا کہ لاہور سے تعلق رکھنے والے پاکستان تحریک انصاف (پی ٹی آئی) کے ایک ہینڈسم اعلیٰ عہدیدار نے حال ہی میں ایک صحافی خاتون سے دوسری شادی کرلی ہے۔
صحافی کے اس انکشاف کے بعد سوشل میڈیا پر لوگوں کے تبصرے شروع ہوئے تو بہت سے صارفین نے اس پی ٹی آئی رہنما کے بارے میں تکے لگاتے ہوئے حماد اظہر کا نام لیا۔
پی ٹی آئی رہنما حماد اظہر کا نام اتنی بار لیا گیا کہ انہیں مجبورا اس ٹویٹ پر کمنٹ کر کہ اپنی پوزیشن واضح کرنی پڑی اور انہوں نے کہا کہ اس ٹویٹ کے نیچے تو میرا ہی نام چل رہا ہے، مجھے ہینڈسم تصور کرنے والے دوستوں کا شکریہ لیکن اگر کبھی ایسی بات ہوئی تو آپ سب کو بروقت اطلاع دے دوں گا۔