موبائل فون کی دنیا میں جدت اور ترقی نے اس چھوٹے سے آلے کو ہر شخص کی بنیادی ضرورت بنا دیا ہے۔
دنیا بھر میں مختلف کمپنیاں نت نئے فیچرز کے ساتھ موبائل فونز متعارف کراتی ہیں، لیکن ان کی قیمتوں میں زمین آسمان کا فرق ہوتا ہے۔
بین الاقوامی میڈیا کے مطابق دنیا کا سب سے مہنگا موبائل فون “فالکن سپر نووا آئی فون 6 پنک ڈائمنڈ” ہے۔ یہ فون 24 قیراط سونے سے بنا ہے اور اس کے بیک سائیڈ پر گلابی رنگ کا بڑا ہیرا جڑا ہوا ہے،جو اسے باقی موبائل فونز سے منفرد ہوتا ہے۔
اس موبائل کی قیمت 48.5 ملین ڈالر(پاکستانی کرنسی میں تقریباً 13 ارب روپے) ہے،جو اسے دنیا کا سب سے مہنگا موبائل بناتا ہے۔دلچسپ بات یہ ہے کہ یہ موبائل فون ایشیا کے امیر ترین شخص مکیش امبانی کی اہلیہ انیتا امبانی کے زیر استعمال بھی ہے۔
دوسری طرف دنیا کا سب سے سستا موبائل فون بھارت کی کمپنی نے “فریڈم 251” کے نام سے لانچ کیا ہے۔ یہ فون اپنی انتہائی کم قیمت کیوجہ سے ہر ایک کی پہنچ میں ہے۔اس کی قیمت صرف 251 بھارتی روپے (پاکستانی کرنسی میں تقریباً 813 روپے) ہے، جو اسے دنیا کا سب سے سستا موبائل فون بناتا ہے۔
واضح رہے کہ یہ دونوں موبائل فونز اپنی قیمتوں کے لحاظ سے حیران کن ہیں، ایک طرف جہاں فالکن سپر نووا آئی فون 6 پنک ڈائمنڈ کی قیمت آسمان کو چھو رہی ہے، وہیں فریڈم 251 کی قیمت ہر کسی کی پہنچ میں ہے۔