آسٹریلیا کیخلاف وائٹ بال سیریز کیلئے قومی ٹیم میں 2 نوجوان فاسٹ بولرز کو موقع دیے جانے کا امکان ہے۔
نجی ٹی وی ایکسپریس نیوز کے مطابق چیمپئینز ون ڈے کپ کے دوران فاسٹ بولر محمد حسنین اور جہانداد خان کی جانب سے شاندار کارکردگی کا مظاہرہ کیا گیا، اس لیے آسٹریلیا کے خلاف وائٹ بال سیریز میں نوجوان بالرز کو موقع ملنے امکان ہے۔ڈومیسٹک کرکٹ میں شاندار کارکردگی کا مظاہرہ والے محمد حسنین نے چیمپئینز ون ڈے کپ میں 17 وکٹیں حاصل کیں تھی جبکہ جہانداد خان 10 وکٹیں حاصل کرسکے تھے۔
سوڈان میں پیرا ملٹری فورس کا گاؤں پر حملہ، 124افراد ہلاک، 100 زخمی
فاسٹ بولر محمد حسین کو تیز رفتار ہونے کی وجہ سے دورہ آسٹریلیا کیلئے موزوں قرار دیا جارہا ہے، وہ شاہین آفریدی، نسیم شاہ اور حارث رؤف کے ہمراہ اسکواڈ کا حصہ بن سکتے ہیں۔
24 سالہ محمد حسین 36 انٹرنیشنل میچز میں پاکستان کی نمائندگی کر چکے ہیں تاہم غیرقانونی بالنگ ایکشن اور انجری کی وجہ سے انہیں کئی عرصے تک واپسی کا موقع نہیں مل سکا۔سلیکشن کمیٹی کی باگ دوڑ سنبھالنے کے بعد عاقب جاوید سمیت دیگر اراکین دورہ آسٹریلیا کیلئے ٹیم کی تشکیل کے حوالے سے ایک نئی حکمت عملی متوقع ہے۔
کراچی، ایل پی جی کی دکان میں آتشزدگی کے باعث 2 افراد جاں بحق
قومی ٹیم 29 اکتوبر کو میلبرن کیلئے روانہ ہوگی، یکم اور 2 نومبر کو پریکٹس سیشن میں لے گی بعدازاں 4 نومبر کو پہلا ون ڈے میچ کھیلا جائے گا۔