او جی ڈی سی ایل نے رحیم یار خان میں تیل وگیس کے نئے ذخائر دریافت کر لئے۔
آئل اینڈ گیس ڈویلپمنٹ کمپنی لمیٹڈ نے رحیم یار خان میں واقع ماڑی ایسٹ بلاک کے کنواں نمبر 1-202 سے تیل وگیس کے نئے ذخائر دریافت کرنے کااعلان کر دیا۔تفصیلات کے مطابق مذکورہ کنواں کی کھدائی 29 جون 2024 کوشروع کی گئی تھی اوراسے1995.50میٹر کی گہرائی تک کھودا گیا ۔ابتدائی نتائج کے مطابق کنواں نمبر 202ـ1 سے 6.15 ملین ایم ایم ایس سی ایف ڈی یومیہ گیس حاصل ہوئی ہے۔گیس کی اس نئی دریافت سے علاقے میں ترقی اور خوشحالی کے نئے دور کا آغاز ہو گا اور ملکی طلب و رسد کے خلا کو پٗر کرنے میں مدد ملے گی ۔ او جی ڈی سی ایل ملک کے ہائیڈروکاربن وسائل کو مؤثر اور پائیدار طریقے سے تلاش کرنے اور ترقی دینے کے لیے پرعزم ہے۔او جی ڈی سی ایل ماڑی ایسٹ ایکسپلوریٹری لاٸسنس یافتہ آپریٹر ہونے کے ناطے اس بلاک میں تین سے چار مزید کنووں کی کھداٸ کا ارادہ رکھتی ہے۔ تاکہ ملکی پیداوار کو مذید بڑھایا جا سکے۔ کمپنی ملک کے تواناٸ سیکٹر کی ترقی کے لیے ہمہ وقت پر عزم ہے