سابق بھارتی کرکٹرز یوراج سنگھ ، روی شاستری اور محمد کیف نے پاکستانی ایتھلیٹ ارشد ندیم کو پیرس اولمپکس میں گولڈ میڈل جیتنے پر مبارکباد کے پیغامات بھیجے ہیں۔ ارشد ندیم نے گزشتہ روز پیرس اولمپکس جیولین تھرو ایونٹ میں نہ صرف گولڈ میڈل حاصل کیا بلکہ اولمپکس کا ریکارڈ بھی قائم کیا۔
ان کی اس شاندا ر پرفارمنس پر دنیا بھر سے مبارکباد اور سلامتی کے پیغامات موصول ہو رہے ہیں۔
سابق بھارتی کرکٹر اور کمنٹیٹر روی شاستری نے سوشل میڈیا پر اپنی پوسٹ میں کہا کہ ارشد ندیم کی پیرس اولمپکس جیولین تھرو ایونٹ کے فائنل میں دو مرتبہ 90 میٹر سے زائد کی تھرو غیر معمولی اور شاندار تھی، اس سے قبل ایسا کبھی سننے کو نہیں ملا۔ سابق بھارتی کرکٹر یوراج سنگھ نے اپنی پوسٹ میں پیرس اولمپکس میں سلور میڈل حاصل کرنے والے بھارتی ایتھلیٹ نیرج چوپڑا کی پرفارمنس کو سراہا جبکہ انہوں نے پاکستان کے ارشد ندیم کو گولڈ میڈل جیتنے پر دل کی گہرائیوں سے مبارکباد دی۔سابق بھارتی کرکٹر محمد کیف نے کہا کہ بھارت اور پاکستان کے لئے یہ قابل فخر لمحہ ہے، یہ کھیل ہمیں متحد کرتے ہیں