ساجد خان نے ایسا اعزاز اپنے نام کرلیا جو وسیم اکرم کے پاس بھی نہیں

ومی ٹیم کے آف سپنر ساجد خان نے ایسا اعزاز اپنے نام کرلیا جو وسیم اکرم بھی نہیں حاصل کرسکے تھے۔ 31 سالہ ساجد خان نے انگلینڈ کیخلاف جاری راولپنڈی ٹیسٹ میں پہلے مہمان ٹیم کی پہلی اننگز میں عمدہ باولنگ کا مظاہرہ کرتے ہوئے 128 رنز دیکر 6 وکٹیں حاصل کیں اور اس کے بعد 2 چوکوں اور 4 چھکوں کی مدد سے 48 گیندوں پر 48 رنز کی جارحانہ باری کھیل کر اپنی ٹیم کا سکور 344 رنز تک پہنچانے میں اہم کردار ادا کیا۔
ساجد خان ٹیسٹ میچ کی پہلی/دوسری اننگز میں 6 یا زیادہ وکٹیں لینے اور 48 یا اس سے زیادہ رنز بنانے والے چوتھے پاکستانی کرکٹر بن گئے ہیں ۔ قومی ٹیم کے سابق کپتان اور لیجنڈری آل رائونڈر عمران خان نے بھارت کیخلاف جنوری 1983ء میں فیصل آباد ٹیسٹ میں 117 رنز سکور کرنے کے بعد 98 رنز کے عوض 6 وکٹیں حاصل کی تھیں ۔
سعید اجمل نے 2013ء میں زمبابوے کے خلاف ہرارے ٹیسٹ میں 95 رنز دے کر 7 وکٹیں لینے کے بعد بلے سے 49 رنز بھی سکور کیے، آل رائونڈر عامر جمال نے 2024ء میں آسٹریلیا کیخلاف سڈنی ٹیسٹ میں 82 رنز سکور کرنے کے بعد 69 رنز کے عوض 6 وکٹیں بھی حاصل کی تھیں