سونے کی قیمت نے ملکی تاریخ کا نیا ریکارڈ بنالیا

 مسلسل دوسرے دن بھی عالمی مارکیٹ میں آج سونے کی قیمت میں کمی واقع ہوئی ہے جبکہ اگر بات کی جائے مقامی مارکیٹ کی تو آج بھی سونے کی قیمت میں اضافہ دیکھنے کو ملا ہے۔

 بین الاقوامی بلین مارکیٹ میں آج بروز جمعہ فی اونس سونے کی قیمت میں 12 ڈالر کی کمی دیکھنے کو آئی، جس سے سونے کی نئی عالمی قیمت 2492 ڈالر فی اونس کی سطح پر پہنچ گئی ہے۔

دوسری جانب بات کی جائے لوکل مارکیٹ کی تو ملک میں 24 قیراط کے حامل سونے کی فی تولہ قیمت میں 200 روپے کا اضافہ دیکھنے کو ملا ہے، جس کے بعد سونے کی نئی قیمت 2 لاکھ 62 ہزار روپے ہوگئی ہے، اسی طرح ملک میں فی 10 گرام سونے کی قیمت میں 172 روپے کا اضافہ دیکھنے کو ملا ہے جس سے نئی قیمت 2 لاکھ 24 ہزار 623 روپے تک پہنچ گئی ہے۔

ملک میں سونے کی قیمت میں اضافے کے برعکس فی تولہ چاندی کی قیمت بغیر کسی تبدیلی کے 2950 روپے اور فی 10 گرام چاندی کی قیمت بھی بغیر کسی تبدیلی کے 2529.14روپے کی سطح پر مستحکم ہے۔

واضح رہے کہ گزشتہ روز بھی عالمی مارکیٹ میں سونے کی فی اونس قیمت میں 8 ڈالر کی کمی ہوئی تھی اور اس کے برعکس مقامی سطح پر فی تولہ سونا 800 روپے اور فی 10 گرام 686 روپے مہنگا ہوگیا تھا۔

Leave a Comment