شمالی وزیرستان میں ہیلی کاپٹر گر کر تباہ، 6 افراد جاں بحق

شمالی وزیرستان میں ماڑی پیٹرولیم کمپنی کا چارٹرڈ ہیلی کاپٹر شیوہ آئل فیلڈ کے نزدیک اڑان بھرتے ہی تکنیکی فالٹ کی وجہ سے کریش کر گیا۔ حادثے میں 6 افراد جاں بحق جبکہ 8 افراد زخمی ہوگئے۔
ذرائع کے مطابق ماڑی پیٹرولیم کمپنی کا چارٹرڈ ایم آئی 8 ہیلی کاپٹر میں 3 غیر ملکی روسی پائلٹس اور کریو سمیت 14 مسافر سوار تھے۔ حادثے میں 6 افراد جاں بحق جبکہ 8 زخمی ہوگئے۔ حادثہ انجن کے فیل ہونے کی وجہ سے ہوا، کسی بھی قسم کی تخریب کاری کے شوائد نہیں ملے۔

زخمیوں کو جائے حادثہ سے سی ایم ایچ تھل پہنچا دیا گیا ہے۔ تھل سے زخمیوں کو بذریعہ ہیلی کاپٹر منتقل کیا جا رہا ہے۔ ہیلی کاپٹر میں اڑان بھرتے ہی تکنیکی فالٹ ہوا۔ ایمرجنسی لینڈنگ کرتے ہوئے ہیلی کاپٹر کا ٹیل روٹر زمین سے ٹکرا گیا۔ حادثے کی تحقیقات شروع کر دی گئی ہیں

Leave a Comment