طیفی بٹ کے بہنوئی کا قتل، شوٹر کا پتہ چل گیا

 پولیس کے مطابق شوٹر کی عمر 60 سے 65 سال کے درمیان ہے اور وہ سبز چیک والی شرٹ پہنے ہوئے تھا۔

ڈی آئی جی آرگنائزڈ کرائم یونٹ عمران کشور نے کہا ہے کہ پولیس ملزم کے قریب پہنچ چکی ہے، لیکن شوٹر کی تصاویر لیک ہونے کی وجہ سے ابھی تک اسے گرفتار نہیں کیا جا سکا۔

 ملزم کی شناخت میں مزید یہ بھی بتایا گیا کہ اس نے واردات کے دوران ہیلمٹ پہن رکھا تھا اور اس کی داڑھی سفید ہے۔

تفصیلات کے مطابق، ملزم نے واردات کے لیے موٹر سائیکل استعمال کی، جو کینال روڈ پر کھڑی کی اور پھر رکشے میں سوار ہو گیا۔

 رکشے سے اترتے ہی ملزم نے جاوید بٹ کی گاڑی کے قریب جا کر فائرنگ کی، جس کے نتیجے میں جاوید بٹ موقع پر ہی جاں بحق ہو گئے۔

پولیس نے بتایا کہ واردات کے بعد ملزم کو مال روڈ پر بھی دیکھا گیا۔ پولیس کا کہنا ہے کہ واردات میں استعمال ہونے والے رکشے کی تلاش جاری ہے اور جلد ہی رکشا ڈرائیور کے ذریعے شوٹر تک پہنچنے کی امید ہے۔

یاد رہے کہ 2 ستمبر کو کینال روڈ پر جاوید بٹ کو دن دہاڑے فائرنگ کرکے قتل کر دیا گیا تھا۔

 پولیس اس کیس کی تفتیش میں مزید پیش رفت کر رہی ہے اور ملزم کی گرفتاری کے لیے کوششیں جاری ہیں