عاقب جاوید گوتم گمبھیر سے ہونے والی گفتگو منظر عام پر لے آئے

قومی سلیکشن کمیٹی کے رکن عاقب جاوید بھارتی ٹیم کے ہیڈکوچ گوتم گمبھیر کیساتھ ہونے والی گفتگو منظر عام پر لے آئے۔ سابق ٹیسٹ کرکٹر و قومی سلیکشن کمیٹی کے 52 سالہ رکن عاقب جاوید نے ایک پوڈ کاسٹ میں گفتگو کرتے ہوئے بتایا کہ بھارتی ٹیم کے موجود ہیڈ کوچ گوتم گمبھیر نے پاکستان کرکٹ کی بگڑتی ہوئی حالت پر تشویش کا اظہار کرتے ہوئے حیرانگی کا اظہار کیا تھا۔
گمبھیر نے مجھ سے پوچھا کہ پاکستان میں ٹیلنٹ کے باوجود کرکٹ کو کیا ہوگیا ہے؟ پاکستان کی گرتی ہوئی کارکردگی سے پاک بھارت میچز کا جنون کم ہوجائے گا‘۔
واضح رہے کہ سیاسی تناؤ کی وجہ سے پاک بھارت ٹیمیں محض آئی سی سی ایونٹس میں مدمقابل آتی ہیں، تاہم گزشتہ ایک سال کے دوران پاکستان کی ہوم اور آوے میچز میں کارکردگی نہایت غیر تسلی بخش رہی ہے۔ پاکستان کو ٹی20 ورلڈکپ میں امریکا کے ہاتھوں شکست کے بعد گروپ راؤنڈ میں میگا ایونٹ سے باہر ہونا پڑا جب کہ بنگلا دیش نے ہوم گراؤنڈ پر پہلی بار گرین شرٹس کو کلین سوئپ کیا