سوشل میڈیا پر ایک ایسے بچے کی ویڈیو وائرل ہوئی ہے جو بھرپور اعتماد کے ساتھ پولیس سے شکایت کرتے ہوئے مطالبہ کر رہا ہے کہ مرغی چور کو پکڑو۔
آج نیوز کے مطابق ویڈیو میں سکول یونیفارم پہنا ہوا بچہ پولیس اہلکار سے مرغی چرائے جانے کی شکایت پنجابی میں کر رہا ہے۔ وہ پولیس پر زور دے رہا ہے کہ ملزم کے خلاف کارروائی کی جائے، مرغی کے ساتھ اس کے چوزے بھی اٹھا لے گیا۔
جب پولیس اہلکار اُس سے کہتا ہے کہ اگر کارروائی کرنی ہے تو پرچہ کٹوانا پڑے گا۔ اس پر بچہ جھٹ پوچھتا ہے پرچہ کتنے میں کٹے گا؟ پولیس اہلکار بتاتا ہے کہ پرچہ کٹوانے کے لیے کچھ خرچ نہیں کرنا پڑتا۔
نارو وال میں سوتن نے شوہر کی پہلی بیوی کا بیڈروم جلا دیا
بچہ پولیس اہلکار کو بتاتا ہے کہ پہلے یہاں جو پولیس افسر تھا وہ اس کا دوست تھا ۔
بہاول جمخانہ میں ڈویژنل ٹینس چیمپئن شپ کی افتتاحی تقریب منعقد
بچے نے پولیس اہلکار کو بتایا کہ جب وہ پانی بھرنے آئے گا تو وہ ملزم کی نشاندہی کردے گا۔ بچے کے اعتماد اور معصومیت سے مزین یہ ویڈیو سوشل میڈیا پر بہت مقبول ہوئی ہے