بنگلا دیش کے کھلاڑیوں نے شاندار کھیل پیش کرتے ہوئے دوسرے ٹیسٹ میچ میں بھی پاکستان کو شکست دے کر سیریز میں وائٹ واش کر دیا ہے۔
تفصیل کے مطابق پاکستان کے خلاف دوسرے ٹیسٹ میچ میں بنگلا دیش نے چھ وکٹوں سے فتح حاصل کرکے تاریخی 2-0 کی سیریز جیت مکمل کرلی ہے۔
راولپنڈی کرکٹ اسٹیڈیم میں کھیلے گئے میچ میں بنگلا دیش نے پانچویں دن 185 رنز کے ہدف کا کامیاب تعاقب کیا، جس میں تجربہ کار کھلاڑی مشفیق الرحیم اور شکیب الحسن نے اپنی پہلی سیریز میں فتح حاصل کی۔
خیال رہے کہ پاکستان نے ورلڈ ٹیسٹ چیمپئن شپ کے جاری سیزن میں مسلسل پانچ ٹیسٹ میچز ہارے ہیں، جن میں سے تین آسٹریلیا کےاور دو بنگلا دیش کے خلاف ہیں۔
بنگلا دیش نے جارحانہ بیٹنگ کرتے ہوئے پاکستان کے باؤلرز کو زبردست جواب دیا۔
بائیں ہاتھ کے بلے باز نے 39 گیندوں پر 40 رنز بنائے۔ وہ پہلے کھلاڑی تھے جنہیں میر حمزہ نے بولڈ کیا اور ٹیم کا سکور 58 تھا۔
شادمان (24) بھی جلدی آؤٹ ہو گئے جب خرم شہزاد نے انہیں پویلین بھیجا۔
کپتان نجم الحسن شانتو اور مومن الحق نے اوپنرز کے دیے گئے آغاز کو جاری رکھا۔ نجمول نے 38 رنز بنائے اور سلمان علی آغا نے انہیں آؤٹ کیا جبکہ مومن الحق نے 34 رنز بنائے اور ابرار احمد نے انہیں اپنا پہلا شکار بنایا۔
تجربہ کار مشفیق الرحیم (22*) اور شکیب الحسن (21*) نے آخر تک رہ کر ہدف پورا کیا۔
بارش کے باعث پیر کے روز کھیل جلدی ختم ہونے کے بعد مہمان ٹیم نے آج 42-0 سے اپنی اننگز دوبارہ شروع کی۔
ایک دن قبل، مہمان ٹیم نے پاکستان کو 172 رنز پر آل آؤٹ کر دیا تھا جب کہ حسن محمود اور ناہید رانا نے تباہی مچائی اور بالترتیب پانچ اور چار وکٹیں حاصل کیں۔
میزبان ٹیم نے دن کا آغاز 9/2 پر کیا اور سائم ایوب اور کپتان شان مسعود کی شراکت میں 38 رنز بنائے۔ ایوب 20 رنز بنا کر ٹاسکین احمد کا شکار بنے۔
محمد رضوان نے 43 رنز بنائے جن میں پانچ چوکے شامل تھے، جبکہ ابرار احمد 12 گیندوں پر 2 رنز بنا کر آؤٹ ہوئے۔ حسن محمود نے میر حمزہ (4) کو آؤٹ کرکے پاکستان کی اننگز 172 رنز پر مکمل کی۔
سلمان علی آغا نے پاکستان کے لیے اہم رنز جوڑے اور 47 رنز کے ساتھ ناٹ آؤٹ رہے۔
حسن محمود نے ٹیسٹ کرکٹ میں اپنا پہلا پانچ وکٹوں کا کارنامہ انجام دیا، وہ پاکستان میں ایک اننگز میں اتنی زیادہ وکٹیں لینے والے پہلے بنگلہ دیشی فاسٹ باؤلر بن گئے۔
اس سے قبل، پاکستان کی پہلی اننگز کے 274 رنز کے جواب میں، بنگلا دیش کو 26-6 پر پہنچا دیا گیا تھا اور وہ فالو آن کے خطرے میں تھے۔
تاہم، لٹن داس نے 138 رنز کی شاندار اننگز کھیلی اور مہدی حسن مرزا نے 78 رنز بنائے، جس سے مہمان ٹیم نے مشکل صورتحال سے نکل کر 262 رنز بنا لیے۔ خرم شہزاد نے دوسرے ٹیسٹ کے تیسرے دن چھ وکٹیں حاصل کیں۔