پاکستانی صارفین کیلئے بڑی خوشخبری،ایم جی موٹرز نے اپنی مقبول الیکٹرک گاڑیوں ایم جی 4 اور ایم جی زیڈ ایس پر 25 لاکھ روپے تک کی بڑی ڈسکاؤنٹ آفر کا اعلان کر دیا ہے،جس سے خریدار الیکٹرک گاڑیوں کی خریداری پر نمایاں بچت کر سکتے ہیں۔
تفصیلات کے مطابق چینی آٹو کمپنی ایم جی موٹرز نے ایک سال پہلے پاکستان میں اپنی الیکٹرک گاڑی ایم جی 4 متعارف کروائی تھی،جس نے مارکیٹ میں کافی زیادہ صارفین کی توجہ اپنی جانب مبذول کی تھی۔یہ کمپیکٹ الیکٹرک گاڑی جدید خصوصیات اور بہترین کارکردگی کی وجہ سے مشہور ہے۔
خیال رہے کہ ایم جی موٹرز نے حال ہی میں مارکیٹ میں اپنی الیکٹرک گاڑی ایم جی 4 لانچ کی تھی جو جدید خصوصیات اور بہترین کارکردگی کی وجہ سے کافی مقبول ہو چکی ہے۔اس گاڑی کی کشادہ انٹیریئر اور مکمل چارج پر طویل رینج نے خریداروں کو متاثر کیا ہے۔
ایم جی موٹرز پاکستان نے اپنی الیکٹرک گاڑیوں کی فروخت کو بڑھانے کیلئے ایک نئی پروموشن متعارف کرائی ہے،جس کے تحت الیکٹرک کار کے شوقین اور ممکنہ خریداروں کیلئے بہترین موقع فراہم کیا جا رہا ہے۔
ایم جی 4 ایکسائٹ کی اصل قیمت 10,999,000 روپے تھی، جو اب ڈسکاؤنٹ کے بعد 9,900,000 روپے میں دستیاب ہے۔ اسی طرح ایم جی 4 ایسنس کی قیمت 12,990,000 روپے سے کم کرکے 11,000,000 روپے کر دی گئی ہے، جس سے خریدار 1,990,000 روپے کی بچت کر سکیں گے۔
ایم جی زیڈ ایس ای وی اسٹینڈرڈ ماڈل کی اصل قیمت 12,990,000 روپے تھی، جو کہ اب 11,000,000 روپے میں دستیاب ہے۔ لانگ رینج ماڈل جس کی اصل قیمت 14,999,000 روپے تھی،اس کی قیمت کو کم کر کے 12,500,000 روپے میں دستیاب کیا گیا ہے، جس سے خریدار 2,499,000 روپے تک کی بچت کر سکتے ہیں۔
خیال رہے کہ یہ خصوصی پیشکش 15 نومبر 2024 تک جاری رہے گی،لیکن گاڑیوں کی محدود دستیابی کی وجہ سے یہ ڈسکاؤنٹ جلد ختم ہونے کا امکان بھی ہے۔الیکٹرک گاڑیوں میں دلچسپی رکھنے والے صارفین کو مشورہ دیا گیا ہے کہ وہ فوری طور پر اس بہترین موقع سے فائدہ اٹھائیں