چئیرمین پی سی بی نے بھارتی کرکٹ ٹیم کی آمد پر امید ظاہرکردی؟

پاکستان کرکٹ بورڈ (پی سی بی) کے چیئرمین محسن نقوی کا کہنا ہے کہ میں پراعتماد ہوں کہ آئی سی سی چیمپئنز ٹرافی پاکستان میں ہی منعقد ہوگی اور روایتی حریف بھارت سمیت دیگر تمام ٹیمیں بھی ٹورنامٹ میں شریک ہوں گی۔
ذرائع کے مطابق چیمپئنز ٹرافی 2025 کا آغاز 19 فروری سے ہورہا ہے اور ٹورنا منٹ کا فائنل 9 مارچ کو کھیلا جائے گا، چیمپئنز ٹرافی کے میچز لاہور،کراچی اور راولپنڈی میں کھیلے جائیں گے۔

خیال رہے کہ بھارت نے جولائی 2008 کے بعد سے پاکستان اور اندیا کے کشیدہ سیاسی صورتحال کے باعث اپنی ٹیم پاکستان نہیں بھیجی۔

بھارت کے سرکاری خبر رساں ادارے پریس ٹرسٹ آف انڈیا (پی ٹی آئی) کے مطابق چیئرمین پاکستان کرکٹ بورڈ سید محسن نقوی نے کہا ہے کہ بھارت کی ٹیم کو ٹرافی کھیلنے کیلئے پاکستان آنا چاہیے،مجھے نہیں لگتا کہ ان کی ٹیم دورہ منسوخ یا ملتوی کرے گی اور ہم پراعتماد ہیں کہ ہم تمام ٹیموں کے ساتھ پاکستان میں چیمپئنز ٹرافی کی میزبانی کریں گے اور اسے بھرپور کامیاب بنائیں گے۔

چئیرمین پی سی بی نے مزید کہا کہ بھارت سمیت تمام ٹیموں کی میزبانی کرنے کیلئے تیار ہیں اور شیڈول کے مطابق تیاریاں کی جارہی ہیں۔

انہوں نے کہا کہ اسٹیڈیمز میں ہونے والے تمام کام میچز سے قبل ہی ختم کر لیے جائیں گے،اگر کوئی کام رہ گیا تو وہ ٹورنامنٹ کے بعد مکمل کرلیا جائے گا۔

محسن نقوی نے مزید کہا کہ فروری مارچ تک اسٹیڈیمز میچز کی میزبانی کیلئے یقینی طور پر پہلے سے بہت بہتر صورت میں میسر ہوں گے۔

چئیرمین پی سی بی نے ایک سوال سوال کا جواب دیتے ہوئے بابر اعظم کے حالیہ استعفے پرکہا کہ انہوں نے سلیکشن کمیٹی کو اس حوالےسے پورا وقت لے کر طویل مدت کیلئے منصوبہ بندی کی ہدایت کی ہے۔

محسن نقوی نے اپنی گفتگو میں کہا کہ میں نےانہیں کہا ہے کہ کپتان کی پوزیشن اہم ہے اس لیے پوری توجہ اور غور و فکر کے بعد فیصلہ کریں۔

چیئرمین پی سی بی نے اپنی گفتگو میں کہا کہ انہوں نے کپتان اور ہیڈ کوچ سمیت سلیکشن کمیٹی سے رائے طلب کی ہے کہ آیا قومی ٹیموں میں نوجوان کھلاڑیوں کی شمولیت کیلئے یہ وقت درست ہے؟ جس پر انہیں بتایا کیا گیا کہ سلیکشن کمیٹی،ہیڈ کوچ اور کپتان ٹیم کے موجودہ سیٹ اَپ سے مطمئن ہیں

Leave a Comment