چیمپئنز ٹرافی: ایونٹ کیلئے بھارت کے انکار کیلئے پاکستان ذہنی طور پر تیار ہے، بھارتی میڈیا کا دعوی

بھارتی میڈیا رپورٹس میں دعویٰ کیا جارہا ہے کہ پاکستان کرکٹ بورڈ (پی سی بی) چیمپیئنز ٹرافی 2025ء کیلئے بھارت کے انکار کیلئے پاکستان ذہنی طور پر تیار ہے تاہم ٹورنامنٹ کا فائنل لاہور سے منتقل نہیں کرے گا چاہے بھارت ایونٹ کے فائنل میں جگہ کیوں نہ بنالے۔ رپورٹس میں کہا گیا ہے کہ پی سی بی نے بھارت کے پاکستان میں نہ کھیلنے کی صورت میں بھی فائنل لاہور میں کروانا چاہتا ہے جب کہ چیئرمین پی سی بی میٹنگ میں بھارت کے ملک میں نہ کھیلنے پر فائنل کی میزبانی لاہور میں ہی کروانے کو ترجیع دیں گے۔
دبئی میں انٹرنیشنل کرکٹ کونسل (آئی سی سی) ممبران کا اجلاس 18 سے 21 اکتوبر تک جاری رہے گا جس میں چیمپئنز ٹرافی میں بھارتی ٹیم کی شرکت کے حوالے سے حتمی اعلان سامنے آئے گا۔
دوسری جانب اجلاس میں پی سی بی حکام آئی سی سی چیمپئنز ٹرافی کی تیاریوں اور اب تک ہونے والے تعمیراتی کام پر بھی بریفینگ دیں گے جبکہ دیگر بورڈز کا بیان بھی اہمیت کا حامل ہوگا۔
پی سی بی حکام بھی پُرعزم ہیں کہ یہ میگا ایونٹ پاکستان میں ہی ہوگا تاہم بھارتی کرکٹ بورڈ اپنی کوئی چال چلنے کی کوشش کرسکتا ہے