کارساز حادثہ: نتاشا دانش، انکے وکیل اور ڈاکٹر چنی لال کی ویڈیو وائرل

کارساز کار حادثے کی ملزمہ نتاشا دانش کی ایک نئی ویڈیو لیک جو سوشل میڈیا پر بہت زیادہ وائرل ہورہی ہے۔
ویڈیو میں دیکھا جاسکتا ہے کہ نتاشا دانش، اس کے وکیل عامر منصور فزیٹری وارڈ ہیڈ کے ڈاکٹر چنی لال ہیں۔ ویڈیو میں کوئی آواز نہیں ہے اس میں نتاشا دانش، اس کے وکیل اور ڈاکٹر چنی لال کو واقعے کے بعد کسی اہم چیز پر بات کرتے ہوئے دکھایا گیا ہے۔

کراچی کارساز میں 19 اگست کو ہونے والے خوفناک حادثے نے ملک میں اس وقت غم و غصے کی لہر دوڑا دی جب کاروباری ٹائیکون خاندان کی بہو نتاشا دانش اقبال، گل احمد نے کراچی میں کارساز روڈ پر قریبی لین پر اپنی کار کو کئی گاڑیوں سے ٹکرا دیا، جس کے نتیجے میں باپ بیٹی جاں بحق اور متعدد افراد زخمی ہوگئے۔

 

دوسری جانب اسی دن کارساز حادثے کی ایک نئی سی سی ٹی وی فوٹیج میں انکشاف ہوا ہے کہ نتاشا دانش نے متعدد گاڑیوں سے ٹکرانے سے پہلے ایک اور تصادم میں سب سے پہلے ایک سفید کار کو ٹکر ماری۔ سی سی ٹی وی فوٹیج میں واقعہ کا وقت شام 6 بج کر 11 منٹ تھا۔

تفصیلات کے مطابق جب سامنے سے سفید رنگ کی کار آئی تو ملزمہ نے اپنی گاڑی کی رفتار کم کی لیکن اچانک تیز رفتاری سے سفید کار کے پچھلے دروازے سے ٹکرائی۔

نتاشا کی کار نے کار کے پیچھے موٹرسائیکل پر سوار دو افراد کو بھی ٹکر مار دی جس سے وہ موٹر سائیکل سمیت نیچے گرگئے۔ واقعے کے بعد مقامی افراد اور سیکیورٹی گارڈز جمع ہوگئے جب کہ خاتون تیز رفتاری سے گاڑی چلاتے ہوئے موقع سے فرار ہونے کی کوشش کرتی رہی۔

جائے وقوعہ سے فرار ہونے کے لیے مشتبہ خاتون اسی سڑک پر تیز رفتاری سے چل رہی تھی اور اس نے موٹر سائیکل سوار باپ بیٹی کو ٹکر مار دی، جو اس خوفناک حادثے میں جاں بحق ہو گئے۔ حادثے کے دوران موٹر سائیکل پر سوار چار افراد زخمی بھی ہوئے۔ واقعہ کا مقدمہ متوفی کے بھائی کی مدعیت میں تھانہ بہادر آباد میں درج کیا گیا۔

Leave a Comment